😊👋 سلام عليكم  ابطال السادس
اشلونكم عساكم بخير

هواي اجتلي رسائل شلون طلعتي معدل على  منو درستي وشنو جان جدولج والسادس صعب لو لا ....... الخ من الاسئلة فحبيت اليوم اشاركم  قصتي ويه السادس 📖💪

بالبداية  احب اعرفكم بنفسي
أني زينب ، طالبة صيدلة مرحلة أولى  حاصلة على معدل ٩٨.٨٣  👩🏻‍⚕️💊

أني بالبداية مدخلت دورات تقوية أو مدرسة أهلية أو مدرسين خصوصي كان اعتمادي الأول  والأخير  على شرح المدرسين باليوتيوب تمام

• العطلة الصيفية * 🌞

طبعا كل طالب مقبل على صف سادس  اكيد راح يدرس بالعطلة ويطلع على المادة و كوني جنت مقبلة على سادس  كل الي حوليني جانوا يكولون يمتى تبدين وراح تخلص العطلة وانتي ما فاتحة كتاب ....الخ  ، بس اني جنت حابه اخذ ريست قبل السادس لأن السادس فتره بيه هواي ضغوطات  و امتحانات  فماجنت اريد ادرس كبل بعد الخامس فبديت  بشهر السابع  🙂
فنصيحة مني لا تبدي من وكت لأن  وراك تعب يابو تعب لا تستعجل اخذ ريست  من الخامس وحضر نفسك نفسياً للسادس ✌🏻😊

• اختيار  مدرسين اليوتيوب *
شغلة كلش مهمه انو تختار مدرس الي تفتهم عليه انت مو شرط غيرك جاب معدل وجان دارس على فد مدرس معين  فأنت لازم تدرس عليه هم
لأن كل واحد بينه  وطريقة استيعابه  للماده فانصحك اذا تريد تدرس على اليوتيوب  جرب اكثر من مدرس واثبت على الي يسهلك ويوضحلك الفكره

أما بالنسبة  الي  فدرست على
•  أ.حيدر وليد / رياضيات
• أ.مهند السوداني/كيمياء
• أ.حسن عبد الكاظم الربيعي /فيزياء
• أ.أحمد النعيمي + ملاحظات د. سجاد اللامي /قواعد
• أ.عقيل الزبيدي/أدب
• أ. نورس الموسوي/سلام الربيعي(ملزمه ملخص) / شرحيات الأحياء
• د. ميرزا أحمد/مسائل الوراثة
• مصطفى شامل /اسلامية
• أ.حمد فوزي /أنكليزي (ملزمته فد شي)

• اكمال المادة بالعطلة  🤔
هواي طلاب تجي تسأل لازم اكمل المادة بالعطلة واني خايف لان ملحكت اقره كل المادةبالعطلة؟ .
خاف مااطلع معدل لأن  ما كملت  المادة ؟

مو شرط تكمل المادة يلا تجيب معدل اكو طلاب تكمل المادة وهي مافاهمه شي
بالنسبة الي اني كملت ٣ فصول او فصلين من كل مادة وبالنسبة  للعربي والإسلامية  مافتحتهن . وعادي ماقلتقت  ولا كلت ماراح اطلع معدل
فمو شرط تكمل مادة علمود تطلع معدل زين ..

دوام بالمدرسة 🏫📚

بدأ دوام  و اكيد اكو كلام سلبي من قبل المدرسات والمدرسين وكذلك الطلاب وفلان شكد جان  شاطر وماطلع معدل وفلانه عادت وغيره من الحجي......  ابد ابد لا تاخذون بهذا الكلام و لا  بسلبيات  الي حواليك

حاول تدرس يوم بيومه  و كمل قرايه ويه اليوتيوب بالعطل   حتى تسيطر على المادة
وكلش كلش مهم التحضير اليومي حتى اهم من الامتحانات  الشهريه

•  الامتحانات  الشهرية 📖💡
الامتحانات   الاستفادة  منه ان الطالب يسيطر  على الافصل  ويضبطها اكثر  ويختبر نفسه
بس اكيد هي مو مقياس للوزاري  بس  حاول تستفاد من الأخطاء  وتعلم منه و حاول طور  نقاط ضعفك بالمادة
بالنسبة  الي جنت كلش افرح من يكون عندي أخطاء افرح اكثر من ان اجيب درجة كاملة
حتى اعرف واركز على  نقاط الضعف  واطور  نفسي اكثر بيه

اذكر اول امتحان بالعربي جانت درجتي ١٣ من ٣٠
وكلش استفاديت  من الأخطاء وعرفت اني ضعيفة بالاعراب  و رجعت درست وركزت على إلاعراب وحليت جمل وزاريه  وافكار مختلفه والحمدلله  سيطرت عليه

امتحانات نصف السنة 📕

ابد لاتفكر بأن درجاتك بنصف السنه هي مقياس للوزاري  لان الوزاري كلش يختلف  شلون وليش..
أول شي/ بالوزاري عندك شهر او اكثر فتره مراجعه للمادة  فراح تضبطها  أما بنصف السنه فماعندك فتره كافيه لحتى تضبط المادة عدل
ثاني شي/  اسئلة الوزاري ابد مو مثل اسئلة المدرسين  والمدرسات وحسب وجهه نظري الوزاري اسهل
ثالث شي/ عندك وقت ٣ ساعات
وهاي وحده من اكثر المشاكل الي جنت اواجهه بأمتحان نصف السنه هو الوقت جان مايكفي  ابد

فلا تخاف اذا اجت درجاتك مو زينه  وتكول ماكدر اطلع معدل  وتأيس
واني وحده من الناس الي درجاتهم كلش مو زينه بنصف السنه

راح احجي شوي على الي صار وياي خلال فتره الدوام لحد نصف السنة جانت فتره كلش صعبه علينه كطلاب سادس لان الدوام مامنتظم بسبب المظاهرات  والوضع الموزين فجنت مفكره ان أجل السنه بس بنفس الوقت جنت ادرس حتى اكمل واضبط المادة في حال اني أجلت السنه اني اكون مسيطره على المادة
يعني اذا جنت مفكره تأجل فلا تصفط الكتب وتكعد 😒😒  اقره وضبط المادة 

بعد نصف السنة اجتي كورونا  للعراق 😷🦠
وصار الحظر  طبعا بدأ الحظر بشهر الثاني و نغلقت المدارس وعلى هذا الأساس رجعت اقره على اليوتيوب  حتى اكمل ماده وسويت جدول الي نفس الدوام اخلي بي خمس مواد حتى اكملهن طبعا يوم 9/4/2020  أعلنت وزيرة التربيه عن حذوفات  بالمواد  والحمدلله اني جنت قاريه لحدهم  ماعدا الادب  فكعدت اكمل الادب

• المراجعة 📚✏
1. اهم نقطعه تبدي مراجعه من تكمل الماده مو تبدي مراجعه وانت مامكمل المواد
2. انت اكعد وسوي جدولك الخاص ولاتعتمد على جدول طالب غيرك لان هذا الطلاب اله ظروفه الخاص والك ظروفك الخاصه هو مسيطر على فد ماده او فصل اكثر من الثاني فيصلي وقت قليل إله  اما انت يجوز تواجهه مشكله بهذا الموضوع  او الفصل وتحتاج وقت اكثر  فأنت سوي جدولك الخاص
3. كنصيحة  اقره الوزاريات الخاصه بكل مادة وضبطها خلال فتره المراجعه لان الوزاري اغلب اسئلته وزاريات سنوات سابقه مكرره

في فترة  المراجعة  اني جربت اكثر من وقت حتى اشوف الأنسب  ألي يعني مرات جنت اكعد من الفجر ومرات اقره بالليل وهيج 
اخر شي شفت الأنسب الي و الاضبط هو ان اكعد بالخمسة الصبح اقره مادة معينه كرياضيات مثلا
لحد ال١٠ الصبح اخذ ريست بعده ابدي ادرس ادب من ١١ لحد الاذان و بعد اترك اصلي واتغده وانام فد ساعتين واكعد العصر اكمل قرايه يعني من ٣   لل ٦ او ٧ يعني لاذان المغرب اصلي واتعشى وبعده بالليل اقره اكمل قرايه لحد ١٠ بالليل  وهيج كل يوم وجنت كل مااكمل فصل احل الاسئلة الوزاريه  الي عليه

برمضان  جنت اكعد ب١٢ الظهر ابدي اقره لحد ٤ او ٥ العصر وبعده اخذ ريست لحد بعد الفطور يعني لحد ٨ تقريبآ  وارجع  اقره من ٨ لحد ال ١٢ اخذ ريست فد ساعه وارجع اقره للسحور وبعد اذان الفجر انام وهيج

*جدولي جان عباره عن ماده فهم  وبعده ماده حفظ 
يعني بديت بالرياضيات بالبدايه لان اني احب وبعده قريت احياء وبعده  كيمياء وهيج
وكل المواد قريت وياهن ادب ساعه باليوم وبعدين سويت مراجعه خاصه بالادب
تسأل ليش لان الادب ينسي بي اسماء وقصائد وشرح فمن تراجعه يوميه راح يرسخ ببالك

• زينب ماعندي واهس اكثر الطلاب تجي تكلي ماعندي واهس اقره  شسوي ؟

-بالبداية احب اكول لكل طالب سادس او غير مرحلة محد عنده واهس بدراسة  وحتى الي طلعوا معدلات هم مجان عدهم واهس ولا هم يحبون القرايه والسج بس هم يعرفون ان هذا شي مفروض عليهم وان كل يوم محسوب عليك  لباجر  تمام  هذا اولا

_  ثانيا اني جنت من احس بملل او اشوف  نفسي تعبانه او مالي خلك اجيب اسهل ماده عندي او اكثر ماده احبه واقراها حتى لو قاريته هم اعيده بس حتى لايضيع اليوم بدون مااقره

طبعا اني خلال فتره المراجعه كلش ماعانيت من مرض لا سامح الله او تعب او ماكو واهس
والحمدلله  جنت مستعده ومتحمسه  للامتحانات  لحد يوم 31/8/2020 طبعاا  هنا بهذا التأريخ  توفى جدي الله يرحمه  والوضع تخربط كلش ابوي بالفاتحه هوسه وحزن وحاله نفسيه زفت
والاسوء انصابيت بكورونا اي بعد حجر منزلي جنت مسويته على نفسي خلال فتره المراجعه يعني من شهر الثاني لحد الثامن اني لا اطلع ولا اطب وكاعده بالبيت انصابيت بالاخير
جنت كلش تعبانه نفسيا وجسديا صادف امتحان  العربي يوم 3/9
ورحت امتحنت وجنت كلش خايفه ومن الخوف نسيت الماده 😂 بس بعدين بديت اذكر شوي شوي والحمدلله  رجعت للبيت لكيت اجوبتي تمام صحيحة  ومضبوطه

نصيحة بيوم الامتحانات  لا تختلط بالطلاب المتشائمين  ابد

وبعده بديت اقره للانكليزي  وامتحنت  وخلصت  امتحانات 🥲🥲
طبعاا  بفتره الامتحانات  النهائية  تعبت كلش  واكثر من مره فكرت بتأجيل ولكن الحمدلله  لكيت الناس الي تدعمني وتحفزني وبمقدمتهم امي و اهلي  وصديقاتي ❤❤

والحمدلله  خلصت السادس
وطلعت النتائج  واني مطلعه معدل الي جنت احلم بي واتقبل بالكلية الي حلمت بيه  وربي ماضيع تعبي ولا راح يضيع تعب احد منكم ان شاءالله

بنهاية راح تعرف ان الالم يزول والإنجاز يبقى

على كد ما تعبنا  بسادس وصلنا لمرحلة جنة  نكول معقولة يخلص ونرتاح من السادس  ، وبعد ماكو امتحانات وقلق وتعب ☹💔.

خلص السادس  ونسينه كل هذا التعب والالم والسهر والقراءه والبجي والقهر  بمجرد اعلان النتائج  و فرحه اهلنا بينه ❤🥺

ادرس لهاي اللحظه لحظه اعلان النتائج  لحظه فرحة اهلك والناس الي تحبك  الك 🥺💕
هاي اللحظه تستاهل تعب واهلك يستاهلون وانت تستاهل لا تكول مستحيلة   لان اكو هواي قبلك وهواي بعد راح تدخل السادس وطلع معدل
صعبه اي صعبه ماكو شي يجي بالساهل بس انت حاول حاول شكد ماتكدر والله راح يكون شاهد على هاي المحاولات ومستحيل يضيع عنده تعبك

وهسه راح اعرفكم مع بعض النصائح من طلاب طلعوا معدلات عالية  ودخلوا كليات وحققوا أحلامهم ❤💪

المحللة 👩🏼‍🔬 :- أهم شي لطلاب السادس  ان يحب المادة و لا يخلي بباله  ان هاي  الماده صعبه او معقده او ان من المستحيل ان يحصل على درجة  كاملة بيه لان راح  يأثر نفسيا عليه ويخلي  يكرها للماده  لازم  تحب كل  المواد  وان تقرأها براحه بال بدون استعجال لان هذا راح  يساعد على فهم وترسيخ  الماده 

الدكتورة  سارة كاظم 👩🏻‍⚕️:-اهم شي ثقتة بنفسه وميخاف
الخوف يأثر هواي هو دارس وتعبان يفوت للامتحان كأنو اي امتحان عادي مايتخوف علمود يجاوب تمام

مايدوخ روحه بملازم هواي يعتمد ع ملزمه وحده زينه ومضبوطه واكو مدرسين معروفين مضبوطين ملازمهم

مايلتهي ب اي شي خاصه الفون النصيحه انو يسده حته لايأثر عليه القيل والقال يترك كلشي بهاي الفتره ويعتمد ع نفسه ويتعب نفسه هيه مجرد سنه تحدد مصير  تعب السنوات الفاتن كلها

نفسيته يحاول يسويله أجواء حلوه للدراسه ويخلي الشي الي يريده كباله

قصاصات اللاصقه الملونه انصح بيها هواي انو يكتب بعض الملاحظات المهمه الي تصادفه من كل ماده ويخليها كباله مثلا قوانين إشارات اي شي ثاني شغلات مهمه وبسيطه إله تأثير بالامتحان والطالب تروح منه مرات فيخلي كباله هذن الشغلات وشكلهن راح يصير حلو ملون حته مايضوج اصلا

وادرس ادرس ادرس لا ضيع ولا لحظه
وأن شاء الله الموفقيه للجميع♥️

الصيدلانية  دعاء كاظم 👩🏻‍⚕️ :هن هواي بس الاهم :

اول شي انك تعتبر السادس صف عادي وتدرس بدون خوف بس بنفس الوقت تتعب اتعب حييل وفكر بمستقبلك وبنفسك وهذا اهم شي 🥺💪

ثانيا لا تخلي سالفه الدور الثاني و التأجيل ابالك من البدايه ☹،  ساعه الامتحان انت تقرر حسب اجابتك وحسب الاسأله لكن انت ادرس لل١٠٠ ادرس للدرجه الممتازة 💪📚
ثالثا  نظم وقتك ومعليك بخطط الباقين وطريقتهم ، اخذ المفيد منهم بس مو نصاً لان راح تضيع ولأن كل انسان وطريقته وكل انسان وقابليته
رابعا واهم شي كلنه دخلنه السادس بهدف لكن ثق بالله ان الي يريده رب العالمين الك احسن واجمل سواء حققت الي تريدة او لا انت اذا كنت تعبان على نفسك بالسادس ما راح تندم بعدين
خامسا رب العالمين عادل وما راح يضيع تعبك راح تحس بايام انو الدنيا وكفت وكلشي ضدك والأبواب كله نسدت بوجهك بس راح تتفاجئ ان بلحظه وبدعاء كلشي يتغير  🥺💔
وخليه ابالك ان رب العالمين (ولسوف يعطيك ربك فترضى)
وبالاخير السادس هوا فترة بسيطه تتعب بيه حته تعيش بقية حياتك بطل كلنا كنا  بمكانك العام والسنه احنه طلاب جامعات الدنيا ما توكف والوقت يمشي بسرعه ف استغل كل دقيقه

الدكتور حسن معين👨🏻‍⚕️:اول شي هي المراجعة ضرورية لازم لازم لازم يعني ضروري تخصص فترة تراجع بيها المواد بس هالفترة انت التتحكم بيه مو احد ثاني اكو ناس تراجع مرتين اكو مره كيفك انت مالك دخل بأي أحد ثاني يجوز راجع كلاوات ما تدري شلون راجع.
المراجعة هي تراجع المهمات والوزاريات واسئلة الفصل + إذا عندك موضوع تحس روحك ما ضابطه هم تركز عليه وعلى هذا الاساس راح تتحد فترة المراجعة وكم يوم لكل مادة.

المحللة فاطمة ماجد 👩🏼‍🔬:وماتوفيقي الا بالله سبحانه .

بالبدايه احب اشارك وياكم انجازي للسنه الي قضيت بيها على السادس بالمعدل المطلوب
الف الحمدلله والشكر ، بفضل الله ثم بدعاء الوالدين ، ثم بفضل تعبي وجهدي ، قضيت على السادس من السنه الاولى ومن الدور الاول بمعدل  ٨٩.٣٣  .

حالياً، طالبة مرحلة اولى ، ومحللة مستقبلية بأذن الله .

نصيحتي لـ ابطال السادس ، والي همَ اقوى ناس بالدنيا ، توكلو على الله بكل خطوه تخطونها بالسادس ، وبكل جهد وتعب خلو ببالكم ، الله سبحانه جاي يشوف تعبكم ،
- وانتَ تمشي للامتحان راح تحس بشعور غريب يجيلك ، ينطيك حافز ، انتَ اقوى شخص بالدنيا.
- راح تكتب اسمك بأول امتحان وكأنما طالب اول ابتدائي متوتر ، جداً طبيعي ، كل هالمخاوف طبيعية.
- راح تواجه ورقه الامتحان بأصعب اللحظات ، لكن الله سبحانه راح يبعثلك فد ايعاز لاارادي  يقلل توترك.
- راح ترجع من الامتحان وعقلك متضخم بالتعب ، اي كلمه زياده ماتستوعبها ، وتحس نفسك ، بالاستسلام.
- امتحان يتبع امتحان ، وهكذا يخلص السادس.
- كل هاللحظات ، هي اللحظات الصح الي المفروض يمر بيها كل طالب تعبان .

  • اجمل لحظات بالسادس *

اخر شي ممكن احجي عنه ، وهو تقريباً اهم شي بالسادس ، هي فتره القبول ، ثق بالله وبهاي المقوله ،( كُـل ألارزاق مُوَزعة بالتساوي ).
يعني القسم الي الله سبحانه يختاره الك هو الصح وهو طريقك للخير
هو القسم الي راح تشوف بي كل تعب السادس ،
ابتعد عن كل التشتتات بالاقسام وهذا الاحسن وهذا الاعلى وهذا بي تعيين وهذا بي مستقبل
كل شخص راح ياخذ حقه بتعبه وبجهده .
وخلي ببالك هذا موتحفيز ، هذا واقع راح تعيشه وانتَ الي راح تتفوق عليه .

"دراستك ، روتينك ، حياتك ، شكراً لكل شخص حاول ينجز السادس بطريقته الخاصه.

المهندسة :-👩🏻‍🔧حسب الي صار وياي بالفيزياء انُ الطلاب المفروض يدرسون كلشي بدون مايگولون هذا السؤال مايجي ادرس على اساس انُ الاسئلة راح تكون بكل الملزمة او الكتاب

سلام عليكم   حبايبي ❤🥺
اشلونكم عساكم بخير

هواي اجتلي رسائل شلون طلعتي معدل على  منو درستي وشنو جان جدولج والسادس صعب لو لا ....... الخ من الاسئلة فحبيت اليوم اشاركم  قصتي ويه السادس 📖💪

بالبداية  احب اعرفكم بنفسي
أني زينب ، طالبة صيدلة مرحلة أولى  حاصلة على معدل ٩٨.٨٣  👩🏻‍⚕️💊

أني بالبداية مدخلت دورات تقوية أو مدرسة أهلية أو مدرسين خصوصي كان اعتمادي الأول  والأخير  على شرح المدرسين باليوتيوب تمام

• العطلة الصيفية * 🌞

طبعا كل طالب مقبل على صف سادس  اكيد راح يدرس بالعطلة ويطلع على المادة و كوني جنت مقبلة على سادس  كل الي حوليني جانوا يكولون يمتى تبدين وراح تخلص العطلة وانتي ما فاتحة كتاب ....الخ  ، بس اني جنت حابه اخذ ريست قبل السادس لأن السادس فتره بيه هواي ضغوطات  و امتحانات  فماجنت اريد ادرس كبل بعد الخامس فبديت  بشهر السابع  🙂

فنصيحة مني لا تبدي من وكت لأن  وراك تعب يابو تعب لا تستعجل اخذ ريست  من الخامس وحضر نفسك نفسياً للسادس ✌🏻😊

• اختيار  مدرسين اليوتيوب *
شغلة كلش مهمه انو تختار مدرس الي تفتهم عليه انت مو شرط غيرك جاب معدل وجان دارس على فد مدرس معين  فأنت لازم تدرس عليه هم
لأن كل واحد بينه  وطريقة استيعابه  للماده فانصحك اذا تريد تدرس على اليوتيوب  جرب اكثر من مدرس واثبت على الي يسهلك ويوضحلك الفكره

أما بالنسبة  الي  فدرست على
•  أ.حيدر وليد / رياضيات
• أ.مهند السوداني/كيمياء
• أ.حسن عبد الكاظم الربيعي /فيزياء
• أ.أحمد النعيمي + ملاحظات د. سجاد اللامي /قواعد
• أ.عقيل الزبيدي/أدب
• أ. نورس الموسوي/سلام الربيعي(ملزمه ملخص) / شرحيات الأحياء
• د. ميرزا أحمد/مسائل الوراثة
• مصطفى شامل /اسلامية
• أ.حمد فوزي /أنكليزي (ملزمته فد شي)

• اكمال المادة بالعطلة  🤔
هواي طلاب تجي تسأل لازم اكمل المادة بالعطلة واني خايف لان ملحكت اقره كل المادةبالعطلة؟ .
خاف مااطلع معدل لأن  ما كملت  المادة ؟

مو شرط تكمل المادة يلا تجيب معدل اكو طلاب تكمل المادة وهي مافاهمه شي
بالنسبة الي اني كملت ٣ فصول او فصلين من كل مادة وبالنسبة  للعربي والإسلامية  مافتحتهن . وعادي ماقلتقت  ولا كلت ماراح اطلع معدل
فمو شرط تكمل مادة علمود تطلع معدل زين ..

دوام بالمدرسة 🏫📚

بدأ دوام  و اكيد اكو كلام سلبي من قبل المدرسات والمدرسين وكذلك الطلاب وفلان شكد جان  شاطر وماطلع معدل وفلانه عادت وغيره من الحجي......  ابد ابد لا تاخذون بهذا الكلام و لا  بسلبيات  الي حواليك

حاول تدرس يوم بيومه  و كمل قرايه ويه اليوتيوب بالعطل   حتى تسيطر على المادة
وكلش كلش مهم التحضير اليومي حتى اهم من الامتحانات  الشهريه

•  الامتحانات  الشهرية 📖💡
الامتحانات   الاستفادة  منه ان الطالب يسيطر  على الافصل  ويضبطها اكثر  ويختبر نفسه
بس اكيد هي مو مقياس للوزاري  بس  حاول تستفاد من الأخطاء  وتعلم منه و حاول طور  نقاط ضعفك بالمادة
بالنسبة  الي جنت كلش افرح من يكون عندي أخطاء افرح اكثر من ان اجيب درجة كاملة
حتى اعرف واركز على  نقاط الضعف  واطور  نفسي اكثر بيه

اذكر اول امتحان بالعربي جانت درجتي ١٣ من ٣٠
وكلش استفاديت  من الأخطاء وعرفت اني ضعيفة بالاعراب  و رجعت درست وركزت على إلاعراب وحليت جمل وزاريه  وافكار مختلفه والحمدلله  سيطرت عليه

امتحانات نصف السنة 📕

ابد لاتفكر بأن درجاتك بنصف السنه هي مقياس للوزاري  لان الوزاري كلش يختلف  شلون وليش..
أول شي/ بالوزاري عندك شهر او اكثر فتره مراجعه للمادة  فراح تضبطها  أما بنصف السنه فماعندك فتره كافيه لحتى تضبط المادة عدل
ثاني شي/  اسئلة الوزاري ابد مو مثل اسئلة المدرسين  والمدرسات وحسب وجهه نظري الوزاري اسهل
ثالث شي/ عندك وقت ٣ ساعات
وهاي وحده من اكثر المشاكل الي جنت اواجهه بأمتحان نصف السنه هو الوقت جان مايكفي  ابد

فلا تخاف اذا اجت درجاتك مو زينه  وتكول ماكدر اطلع معدل  وتأيس
واني وحده من الناس الي درجاتهم كلش مو زينه بنصف السنه

راح احجي شوي على الي صار وياي خلال فتره الدوام لحد نصف السنة جانت فتره كلش صعبه علينه كطلاب سادس لان الدوام مامنتظم بسبب المظاهرات  والوضع الموزين فجنت مفكره ان أجل السنه بس بنفس الوقت جنت ادرس حتى اكمل واضبط المادة في حال اني أجلت السنه اني اكون مسيطره على المادة
يعني اذا جنت مفكره تأجل فلا تصفط الكتب وتكعد 😒😒  اقره وضبط المادة 

بعد نصف السنة اجتي كورونا  للعراق 😷🦠
وصار الحظر  طبعا بدأ الحظر بشهر الثاني و نغلقت المدارس وعلى هذا الأساس رجعت اقره على اليوتيوب  حتى اكمل ماده وسويت جدول الي نفس الدوام اخلي بي خمس مواد حتى اكملهن طبعا يوم 9/4/2020  أعلنت وزيرة التربيه عن حذوفات  بالمواد  والحمدلله اني جنت قاريه لحدهم  ماعدا الادب  فكعدت اكمل الادب

• المراجعة 📚✏
1. اهم نقطعه تبدي مراجعه من تكمل الماده مو تبدي مراجعه وانت مامكمل المواد
2. انت اكعد وسوي جدولك الخاص ولاتعتمد على جدول طالب غيرك لان هذا الطلاب اله ظروفه الخاص والك ظروفك الخاصه هو مسيطر على فد ماده او فصل اكثر من الثاني فيصلي وقت قليل إله  اما انت يجوز تواجهه مشكله بهذا الموضوع  او الفصل وتحتاج وقت اكثر  فأنت سوي جدولك الخاص
3. كنصيحة  اقره الوزاريات الخاصه بكل مادة وضبطها خلال فتره المراجعه لان الوزاري اغلب اسئلته وزاريات سنوات سابقه مكرره

في فترة  المراجعة  اني جربت اكثر من وقت حتى اشوف الأنسب  ألي يعني مرات جنت اكعد من الفجر ومرات اقره بالليل وهيج 
اخر شي شفت الأنسب الي و الاضبط هو ان اكعد بالخمسة الصبح اقره مادة معينه كرياضيات مثلا
لحد ال١٠ الصبح اخذ ريست بعده ابدي ادرس ادب من ١١ لحد الاذان و بعد اترك اصلي واتغده وانام فد ساعتين واكعد العصر اكمل قرايه يعني من ٣   لل ٦ او ٧ يعني لاذان المغرب اصلي واتعشى وبعده بالليل اقره اكمل قرايه لحد ١٠ بالليل  وهيج كل يوم وجنت كل مااكمل فصل احل الاسئلة الوزاريه  الي عليه

برمضان  جنت اكعد ب١٢ الظهر ابدي اقره لحد ٤ او ٥ العصر وبعده اخذ ريست لحد بعد الفطور يعني لحد ٨ تقريبآ  وارجع  اقره من ٨ لحد الان اخذ ريست فد ساعه وارجع اقره للسحور وبعد اذان الفجر انام وهيج

*جدولي جان عباره عن ماده فهم  وبعده ماده حفظ 
يعني بديت بالرياضيات بالبدايه لان اني احب وبعده قريت احياء وبعده  كيمياء وهيج
وكل المواد قريت وياهن ادب ساعه باليوم وبعدين سويت مراجعه خاصه بالادب
تسأل ليش لان الادب ينسي بي اسماء وقصائد وشرح فمن تراجعه يوميه راح يرسخ ببالك

• زينب ماعندي واهس اكثر الطلاب تجي تكلي ماعندي واهس اقره  شسوي ؟

-بالبداية احب اكول لكل طالب سادس او غير مرحلة محد عنده واهس بدراسة  وحتى الي طلعوا معدلات هم مجان عدهم واهس ولا هم يحبون القرايه والسج بس هم يعرفون ان هذا شي مفروض عليهم وان كل يوم محسوب عليك  لباجر  تمام  هذا اولا

_  ثانيا اني جنت من احس بملل او اشوف  نفسي تعبانه او مالي خلك اجيب اسهل ماده عندي او اكثر ماده احبه واقراها حتى لو قاريته هم اعيده بس حتى لايضيع اليوم بدون مااقره

طبعا اني خلال فتره المراجعه كلش ماعانيت من مرض لا سامح الله او تعب او ماكو واهس
والحمدلله  جنت مستعده ومتحمسه  للامتحانات  لحد يوم 31/8/2020 طبعاا  هنا بهذا التأريخ  توفى جدي الله يرحمه  والوضع تخربط كلش ابوي بالفاتحه هوسه وحزن وحاله نفسيه زفت
والاسوء انصابيت بكورونا اي بعد حجر منزلي جنت مسويته على نفسي خلال فتره المراجعه يعني من شهر الثاني لحد الثامن اني لا اطلع ولا اطب وكاعده بالبيت انصابيت بالاخير
جنت كلش تعبانه نفسيا وجسديا صادف امتحان  العربي يوم 3/9
ورحت امتحنت وجنت كلش خايفه ومن الخوف نسيت الماده 😂 بس بعدين بديت اذكر شوي شوي والحمدلله  رجعت للبيت لكيت اجوبتي تمام صحيحة  ومضبوطه

نصيحة بيوم الامتحانات  لا تختلط بالطلاب المتشائمين  ابد

وبعده بديت اقره للانكليزي  وامتحنت  وخلصت  امتحانات 🥲🥲
طبعاا  بفتره الامتحانات  النهائية  تعبت كلش  واكثر من مره فكرت بتأجيل ولكن الحمدلله  لكيت الناس الي تدعمني وتحفزني وبمقدمتهم امي و اهلي  وصديقاتي ❤❤

والحمدلله  خلصت السادس
وطلعت النتائج  واني مطلعه معدل الي جنت احلم بي واتقبل بالكلية الي حلمت بيه  وربي ماضيع تعبي ولا راح يضيع تعب احد منكم ان شاءالله

بنهاية راح تعرف ان الالم يزول والإنجاز يبقى

على كد ما تعبنا  بسادس وصلنا لمرحلة جنة  نكول معقولة يخلص ونرتاح من السادس  ، وبعد ماكو امتحانات وقلق وتعب ☹💔.

خلص السادس  ونسينه كل هذا التعب والالم والسهر والقراءه والبجي والقهر  بمجرد اعلان النتائج  و فرحه اهلنا بينه ❤🥺

ادرس لهاي اللحظه لحظه اعلان النتائج  لحظه فرحة اهلك والناس الي تحبك  الك 🥺💕
هاي اللحظه تستاهل تعب واهلك يستاهلون وانت تستاهل لا تكول مستحيلة   لان اكو هواي قبلك وهواي بعد راح تدخل السادس وطلع معدل
صعبه اي صعبه ماكو شي يجي بالساهل بس انت حاول حاول شكد ماتكدر والله راح يكون شاهد على هاي المحاولات ومستحيل يضيع عنده تعبك

وهسه راح اعرفكم مع بعض النصائح من طلاب طلعوا معدلات عالية  ودخلوا كليات وحققوا أحلامهم ❤💪

المحللة 👩🏼‍🔬 :- أهم شي لطلاب السادس  ان يحب المادة و لا يخلي بباله  ان هاي  الماده صعبه او معقده او ان من المستحيل ان يحصل على درجة  كاملة بيه لان راح  يأثر نفسيا عليه ويخلي  يكرها للماده  لازم  تحب كل  المواد  وان تقرأها براحه بال بدون استعجال لان هذا راح  يساعد على فهم وترسيخ  الماده 

الدكتورة  سارة كاظم 👩🏻‍⚕️:-اهم شي ثقتة بنفسه وميخاف
الخوف يأثر هواي هو دارس وتعبان يفوت للامتحان كأنو اي امتحان عادي مايتخوف علمود يجاوب تمام

مايدوخ روحه بملازم هواي يعتمد ع ملزمه وحده زينه ومضبوطه واكو مدرسين معروفين مضبوطين ملازمهم

مايلتهي ب اي شي خاصه الفون النصيحه انو يسده حته لايأثر عليه القيل والقال يترك كلشي بهاي الفتره ويعتمد ع نفسه ويتعب نفسه هيه مجرد سنه تحدد مصير  تعب السنوات الفاتن كلها

نفسيته يحاول يسويله أجواء حلوه للدراسه ويخلي الشي الي يريده كباله

قصاصات اللاصقه الملونه انصح بيها هواي انو يكتب بعض الملاحظات المهمه الي تصادفه من كل ماده ويخليها كباله مثلا قوانين إشارات اي شي ثاني شغلات مهمه وبسيطه إله تأثير بالامتحان والطالب تروح منه مرات فيخلي كباله هذن الشغلات وشكلهن راح يصير حلو ملون حته مايضوج اصلا

وادرس ادرس ادرس لا ضيع ولا لحظه
وأن شاء الله الموفقيه للجميع♥️

الصيدلانية  دعاء كاظم 👩🏻‍⚕️ :هن هواي بس الاهم :

اول شي انك تعتبر السادس صف عادي وتدرس بدون خوف بس بنفس الوقت تتعب اتعب حييل وفكر بمستقبلك وبنفسك وهذا اهم شي 🥺💪

ثانيا لا تخلي سالفه الدور الثاني و التأجيل ابالك من البدايه ☹،  ساعه الامتحان انت تقرر حسب اجابتك وحسب الاسأله لكن انت ادرس لل١٠٠ ادرس للدرجه الممتازة 💪📚
ثالثا  نظم وقتك ومعليك بخطط الباقين وطريقتهم ، اخذ المفيد منهم بس مو نصاً لان راح تضيع ولأن كل انسان وطريقته وكل انسان وقابليته
رابعا واهم شي كلنه دخلنه السادس بهدف لكن ثق بالله ان الي يريده رب العالمين الك احسن واجمل سواء حققت الي تريدة او لا انت اذا كنت تعبان على نفسك بالسادس ما راح تندم بعدين
خامسا رب العالمين عادل وما راح يضيع تعبك راح تحس بايام انو الدنيا وكفت وكلشي ضدك والأبواب كله نسدت بوجهك بس راح تتفاجئ ان بلحظه وبدعاء كلشي يتغير  🥺💔
وخليه ابالك ان رب العالمين (ولسوف يعطيك ربك فترضى)
وبالاخير السادس هوا فترة بسيطه تتعب بيه حته تعيش بقية حياتك بطل كلنا كنا  بمكانك العام والسنه احنه طلاب جامعات الدنيا ما توكف والوقت يمشي بسرعه ف استغل كل دقيقه

الدكتور حسن معين👨🏻‍⚕️:اول شي هي المراجعة ضرورية لازم لازم لازم يعني ضروري تخصص فترة تراجع بيها المواد بس هالفترة انت التتحكم بيه مو احد ثاني اكو ناس تراجع مرتين اكو مره كيفك انت مالك دخل بأي أحد ثاني يجوز راجع كلاوات ما تدري شلون راجع.
المراجعة هي تراجع المهمات والوزاريات واسئلة الفصل + إذا عندك موضوع تحس روحك ما ضابطه هم تركز عليه وعلى هذا الاساس راح تتحد فترة المراجعة وكم يوم لكل مادة.

المحللة فاطمة ماجد 👩🏼‍🔬:وماتوفيقي الا بالله سبحانه

بالبدايه احب اشارك وياكم انجازي للسنه الي قضيت بيها على السادس بالمعدل المطلوب
الف الحمدلله والشكر ، بفضل الله ثم بدعاء الوالدين ، ثم بفضل تعبي وجهدي ، قضيت على السادس من السنه الاولى ومن الدور الاول بمعدل  ٨٩.٣٣  .

حالياً، طالبة مرحلة اولى ، ومحللة مستقبلية بأذن الله .

نصيحتي لـ ابطال السادس ، والي همَ اقوى ناس بالدنيا ، توكلو على الله بكل خطوه تخطونها بالسادس ، وبكل جهد وتعب خلو ببالكم ، الله سبحانه جاي يشوف تعبكم ،
- وانتَ تمشي للامتحان راح تحس بشعور غريب يجيلك ، ينطيك حافز ، انتَ اقوى شخص بالدنيا.
- راح تكتب اسمك بأول امتحان وكأنما طالب اول ابتدائي متوتر ، جداً طبيعي ، كل هالمخاوف طبيعية.
- راح تواجه ورقه الامتحان بأصعب اللحظات ، لكن الله سبحانه راح يبعثلك فد ايعاز لاارادي  يقلل توترك.
- راح ترجع من الامتحان وعقلك متضخم بالتعب ، اي كلمه زياده ماتستوعبها ، وتحس نفسك ، بالاستسلام.
- امتحان يتبع امتحان ، وهكذا يخلص السادس.
- كل هاللحظات ، هي اللحظات الصح الي المفروض يمر بيها كل طالب تعبان .

  • اجمل لحظات بالسادس *

اخر شي ممكن احجي عنه ، وهو تقريباً اهم شي بالسادس ، هي فتره القبول ، ثق بالله وبهاي المقوله ،( كُـل ألارزاق مُوَزعة بالتساوي ).
يعني القسم الي الله سبحانه يختاره الك هو الصح وهو طريقك للخير
هو القسم الي راح تشوف بي كل تعب السادس ،
ابتعد عن كل التشتتات بالاقسام وهذا الاحسن وهذا الاعلى وهذا بي تعيين وهذا بي مستقبل
كل شخص راح ياخذ حقه بتعبه وبجهده .
وخلي ببالك هذا موتحفيز ، هذا واقع راح تعيشه وانتَ الي راح تتفوق عليه .

"دراستك ، روتينك ، حياتك ، شكراً لكل شخص حاول ينجز السادس بطريقته الخاصه.

المهندسة :-👩🏻‍🔧حسب الي صار وياي بالفيزياء انُ الطلاب المفروض يدرسون كلشي بدون مايگولون هذا السؤال مايجي ادرس على اساس انُ الاسئلة راح تكون بكل الملزمة او الكتاب

لن تفني أحلامنا ولن نضيع الطريق
ولن ينال اليأس منا ولن ترعبنا رهبة الفشل ماخُلقنا لنُهزم وماخلق الوصول إلا لنا🌈🧡.
_______________