قالك عائلة متكونة من مراة وراجلها وعجوزتها وشيخها جامي شافو رواحهم ف المرايا ايا قالك الراجل جاته خدمة بعيدة راح سافر ايا كي جا قاع جابلهم كادو وجاب لمرته مرايا ايا وصل كان عيان من سفر معطاهمش لي كادو قال من بعد ونعطيهلهم ايا هو سلم عليهم و راح دوش ورقد ومرته راحت تشوف الحوايج لي جاب تلاقات المرايا مخبيها فساك جبدتها قعد تخزر فيها حتى شافت روحها وهي جامي شافت روحها بقات تبكي وتندب جات عجوزتها تجري قاتلها واش بيك يا بنتي قاتلها شوفي ولدك تزوج عليا ايا قاتلها هاتي نشوف عاود عجوزتها حكمت المرايا شافت روحها بدات تندب وتقول وكون غير شابة عجوزة كحلوشة سحرتلي وليدي سمعهم شيخها جا ليهم قالهم واش بيكم قالوله اروح تشوف ولدك تزوج على مرته بعجوزة كحلوشة سحارة ايا جا يشوف فيها شاف روحه فالمرايا قالهم لا لا مكانش منها هاذا غير شيطان دارها بيناتكم نعلوه وبزق على تصويرته فالمرايا وقال تفو عليك يا يبليس الله ينعلك ويخزيك😂😂😂😂😂😂