ذولي ال20 مليون الي رايحين يزورون بالاربعين يدرون انو الصلاة اهم من زيارة الامام الحسين ؟ زين يدرون انو ورة ما تاكل بالموكب لازم تحترم نعمة الله ومتشمرها بالشارع ؟ يدرون انو لازم ميشمرون الوصاخة بالشارع لان النظافة من الايمان ؟ زين يدرون انو اصوات سماعات المواكب اعتداء على حرية الاخرين ؟ و زرفت طبلات اذاناتنا من علوها ؟ تعال اوكف بالشارع العام الي يمشون بي الزوار و شوفهم بعينك يدرون لو لا ..
هاي ال20 مليون لو فعلا جاية تواسي ابو عبد الله الحسين ع جان ما انتخبت هالشرذمة الحاكمة وجان ما رضوا بالذل الي عايشينه صارلهم 14 سنة ، وجان ما صاروا مطية بيد فلان وعلان ..
بأحدى السنوات الامام الصادق رجع من الحج فالناس اجتي لدار الامام تهنئ و تبارك بعودته ، كالوله بأندهاش : سيدي هالسنة اعداد رهيبة وكثيرة حجّت!
كالهم : ما اكثر الضجيج واقل الحجيج ، وما حججت الا انا وناقتي وعلي بن يقطين !