تنبيه✋
السلام عليكم بله انتبهوا شويه
هاي حاله صارت كدامي واني اباوع وحتى بسقت بوجه صاحب المحل اكو مشكله بمجتمعنا منتشره بس محد منتبه الهه ومنتشره بكثره والصراحه اني شفت بعيني هيج حاله وحبيت أنبه الكل على هاي المشكله ...
هيه تخص البنات الصغار الي من عمر 6 سنوات الى 12 سنه
اكثر العوائل تعتمد على اطفالهه لشراء اي غرض من المحلات القريبه منهم
بدون التفكير اذا كان صاحب المحل الدازين بنتهم عليه شنو اخلاقه او بدون ان ينبهون بناتهم شلون يتعاملون مع اصحاب المحلات ؟
البعض من اصحاب المحلات نفوسهم ضعيفه ويستغل البنت الصغيره لاشباع رغبته في لمس اماكن حساسه بجسم البنت او الاختلاء بها واكيد هذا الشي راح ايدمر البنت الصغيره
لاتفكرون بس الشاب او الصغير بالعمر يتحرش لا الكبير بالسن أو الشياب همه اهل البلاوي الدتصير لأن الصراحه كدام عيني دخلت على محل صاحب المحل عمره تقريبا ٣٩ سنه ويمه بنيه صغيره ماخذهه بالمخزن مالت المحل اني دخلت للمحل ورى فتره طلع وويا البنيه ونطاهه الغراض التريدهه بس البنيه كلش مرتبكه وترجف هذا الموقف خلاني اكتب وانبه الجميع حتى نحمي جميع بناتنه من هيج مواقف ممكن اتأدي بيهم الى طرق الهلاك
اتمنى كل البنات الصغيرات مايمسهم اي اذى رجاءا وعوهم وعلموهم شلون يتعاملون ويه هيج حالات
وتحياتي للجميع اتمنى تنسخو وتنشرو بكل كروب حتى الكل ينتبه