امشي ورة اليضحكك لا تمشي ورة اليبجيك .دور على الام وعوف البنية.ماكو زور يخله من واوي.الميلزم الجدح بيده مايرتوي.لو طخه لو اطشر مخه,تيتي تيتي مثل ما رحتي مثل مااجيتي ,هذا لوني من يوم الجابوني.طهر ابنك بالفاس ولا تعتاز الناس...
كل هاي الامثال كبرنا وكبرت ويانه ولا زالت وراح تقبة مهما اختلفت الاجيال لان مزروعه بينه حضرنا ومستقبلنه
الا مـــــــــــــــــــــــــــــــــــــــثل واحد ماكدرت امشي ويا ويصير صدك مثل ما سمعت من اهلي واجدادي من جنت طفل ...
تـــــــــــــكبر وتنـــــــــــــــــسى,,,
كــــــــــــــــبرت ومانسيت اتذكر كل جروحي من طفل بكل تفاصيلة استغرب من اهل قبل شلون هيج فاتتهم او حسب ما فكرت وحللت المثل يمكن يعرفون مراح ننسى بس ما رادوا يصدمونه جانوا يجذبون علينه حتى نعيش ونستمر وما نفكر ونحط العيون على القادم ونعيش اللحظه لان كل الامثال صح حسب خبرتهم ممعقولة مثل واحد غلط يطلع بس هاي حكمة منهم,حتى نركز على الحياة ,بس يبقى الموضوع انه ماننسى (اني انت انتي)مانسينا شي لان الطفل اسطوانة نسخة اصلية كلشي يتسجل ويدخل في ارشيف مخه مدى الحياة ,
اما على جروح المراهقه والنضج هاي تبقى يمنه مو يم الذكرى انت تكدر تتحكم بالذكريات انت شاطر راح تعرف شلون تخلي الذكريات عبارة عن اغنية قديمة جنت تحبه ومتلهف تسمعه كل يوم ولحظه ورة فترة دكول اخ ولله جنت ناسيه هاي الاغنية وتضحك على نفسك وتجي تسمعه وانت طبيعي بدون لهفه ,

(جروح الروح تروح)
لا تخلي نفسك تريد الحزن وتأبئ الفرح انت متعود نفسك على الحزن ,الواحد يعيش حياة وحدة لازم نضحك
سامع مقولة يكول( اذا ماتتصدق بقروشك اتصدق بضروسك) يعــــــــــــــــــــــــــــــــني اضحـــــــــــــــــك
وتحياتي
صباح الخير مساء الطيبة حسب وقتكم
مصمم جرافيك رسول