‎نامەوێت
‎لەشوێنێك بم هەموو كەسم لێوەدیاربێت و
‎لە هەموو كەسەوە دیاربم
‎دەمەوێت لەشوێنێك بم
‎پێش ئەوەی لە كەس و ناكەسەوە دیاربم
‎خۆمم لێ‌ دیاربێ‌
‎بەرزاییەكان
‎فێری فڕینت ئەكەن
‎فێری بینینی هەموو شتت دەكەن
‎ئەما، خۆتت لەبیرئەبەنەوە
‎نامەوێ‌ بچمە سەر بەرزاییەكان
‎نامەوێت لە كەسەوە دیاربم و كەسم لێوە دیاربێ‌
‎بۆ شوێنێك دەگەڕێم خۆمم لەبیرنەباتەوە
‎بۆ شوێنێك دەگەڕێم تەنها فێری فڕینم نەكا
‎فێرمكا بەرلەوەی كەسم لێ‌ دیاربێ‌، خۆمم لێ‌ دیاربێ‌
‎فێرم كا بەر لە فڕین، شوێنی نیشتنەوەم لێ‌ دیاربێ‌.
‎ ( مرۆڤ كە دونیاكەی خۆی لێ‌ دیارنەبوو، دونیاشی لێ‌ دیارنییە)

‎نەبەز گۆران